ГХИ-ийн Хэрэглээний хэл шинжлэлийн тэнхимээс тус сургуулийн Техник, технологийн орчуулга мэргэжлийн ангийн оюутнуудын мэдлэг чадвар, авьяас чадварыг хөгжүүлэх зорилгоор жил бүр уламжлал болгон зохион байгуулдаг “Best speaker” тэмцээнийг 2018.11.02-ны өдөр амжилттай зохион явууллаа.

Солонгос “Хангыл үсгийн баяр” болов ШУТИС-ийн нийт оюутнуудад зориулсан “Хангыл үсгийн баяр” өдөрлөгийг ГХИ-ийн Ази судлалын тэнхимийн Солонгос судлалын баг МехТС, МХТС-тай хамтран зохион байгуулж, тус сургуулиудын удирдлага, профессор багш нарын төлөөлөл, оюутнууд оролцлоо. 2018 оны 10 сарын 9-нд МехТС-д, 10 сарын 10-нд ГХИ-д, 10 сарын 11-нд МХТС-д тус тус зохиогдсон өдөрлөгийн үеэр ГХИ-ийн Техник Технологийн орчуулагчийн солонгос хэлний ангийн оюутнууд, МехТС, МХТС-иудад хэрэгжүүлж буй БНСУ-ын Сүнчонхян Их сургуультай хамтарсан 2+2 хөтөлбөрийн ангийн оюутнууд, Данкүк Их сургуулийн солилцооны оюутнууд хамтран багт болон дэвүүрт бүжиг, таеквондогийн үзүүлбэр, цохиур хөгжим, К-поп дуу зэрэг солонгосын соёл урлагийн тоглолт үзүүлж, үзэгчдийн дунд солонгос үндэсний тоглоом тоглуулан, үндэсний хоолны амталгаанд урив. Мөн энэ үеэр Хангыл үсгийн цэвэр бичгийн уралдаанд түрүүлсэн болон арга хэмжээнд идэвхтэй оролцсон оюутнуудад шагнал, урамшуулал гардууллаа. Хангыл үсгийн мэндэлсэн 10 сарын 9-ний өдрийг тохиолдуулсан энэхүү арга хэмжээ нь ГХИ-д солонгос хэл, орон судлалын сургалт явагдаж эхэлсэн үеэс жил бүр зохиогдож эдүгээ 15 дахь жилтэйгээ золгож байна.

Хятадын банкны тэтгэлэгт ШУТИС-ийн оюутнууд амжилт үзүүллээ Жил бүрийн намар Хятадын банкны УБ дахь төлөөлөгчийн газар, Хятад Монголын хэл соёл боловсрол, нийгмийн хөгжлийн сан болон МУИС-ийн Күнзийн институтээс хамтран улсын хэмжээний их дээд сургуулийн оюутнуудад зориулсан “Тэргүүлэгч од” тэтгэлэгт хөтөлбөр, “Ирээдүйн эзэд” ивээн тэтгэх хөтөлбөр” болон ЕБС-ийн сурагчдын “Мөрөөдлийн од” тэтгэлэгт хөтөлбөр, “Ирээдүйн од” ивээн тэтгэх хөтөлбөр, Хятад хэлийг шамдан суралцаж буй сурагчдыг дэмжих тусгай хөтөлбөрүүдийг зохион явуулдаг. Энэ жилийн тэтгэлэгт хөтөлбөрт улсын хэмжээний их дээд сургуулиас нийт 21 оюутан тэтгэлэг хүртснээс ШУТИС-ийн 4 оюутан 2,3 байр эзэлсэн амжилт гаргалаа. ЭХС-ийн 2+2 хөтөлбөрийн I курсийн оюутан Б.Бэсүдэй 2-р байрт шалгарч 5000 юань, ГХИ-ийн I курсийн оюутан Э.Төгөлдөр, Э.Золбоот, II курсийн оюутан Т.Лхагвадорж нар 3-р байрт шалгарч тус бүр 3000 юаны тэтгэлэг хүртсэн. 10 сарын 12 өдөр Хятадын банкны УБ дахь төлөөлөгчийн газрын хурлын танхимд болсон шагнал гардуулах ёслолын ажиллагаанд ГХИ-ийн дэд захирал Ц.Энхбаатар, ГХИ-ийн АСТ-ийн эрхлэгч Л.Чойжилмаа, хятад хэлний багш П.Мөнгөнцэцэг багш нар оролцож шагнал хүртсэн оюутнууддаа баяр хүргэлээ. Шагнал гардуулах ёслолын үйл ажиллагаанд монголд суугаа Хятадын ЭСЯ-ны элчин сайд Шин Хай мин талархлын үг хэлж Хятад Монголын хэл соёл боловсрол, нийгмийн хөгжлийн санд 30000 долларын хандив өргөж үйл ажиллагаанд нь амжилт хүслээ. ГХИ-ийн Ази судлалын тэнхим

ШУТИС, БНСУ-ын Дангүг их сургуультай байгуулсан хамтын ажиллагааны гэрээний хүрээнд оюутан солилцооны 1 жилийн хөтөлбөрт хамрагдах хүсэлтэй оюутнуудын материалыг 9.15~ 10.15 хүртэл хүлээн авч байна.

ШУТИС-ийн сайн дурын хятад хэлний клуб 2018-2019 оны хичээлийн жилийн намрын улирлын арга хэмжээний хүрээнд “Төгсөгчдийн цуврал лекц”-ийг ШУТИС-ийн хятад хэл суралцаж буй оюутнуудыг идэвхжүүлэх, сонгосон мэргэжлийнх нь давуу талыг таниулах, дур сонирхлыг төрүүлэх, “бүтээлч оюутан” болгох зорилгоор ЭХС, ГУУС, ХШУС-ийн хөтөлбөрийн ангийн оюутнуудад ЭХЯ-ны дэргэдэх Эрчим хүчний хөгжлийн төвийн инновац технологийн хэлтсийн инженер Ө.Одбаяр, “Оюу толгой” ХХК-ийн “Энержи интернэшнл” компанийн цахилгааны инженер Г.Ганцэцэг, “Итгэл эрүүл мэнд” ХХК-ийн тоног төхөөрөмж хариуцсан цахилгааны инженер Э.Батхишиг нарыг урьж энэхүү лекцээ эхлүүллээ.

“Русский язык как иностранный: вчера, сегодня, завтра” сэдэвт олон улсын эрдэм шинжилгээний бага хурал болов.

ГХИ-ийн Ази судлалын тэнхимээс зохион явуулсан “Хятад хэлний олимпиад” болов.

Герман хэлний улсын олипиадад ШУТИС-ийн оюутан Н.Саруул тэргүүн байр эзлэв

Хэрэглээний хэл шинжлэлийн тэнхимээс “Техникийн мэргэжлийн орчуулга /англи, япон, солонгос, хятад хэл/” мэргэжлийн ангийн оюутнуудын дунд англи хэлний уламжлалт олимпиадыг 2018 оны 3 дугаар сарын 26-ны өдрөөс 4 дүгээр сарын 04-ний өдрүүдэд 3 үе шаттайгаар зохион байгуулж, дүнгээ гаргалаа.

Сайн байцгаана уу? ШУТИС-ийг төгссөн болон төгсөх курсын оюутнуудын анхааралд. /Японд урт хугацаагаар ажиллаж, амьдрах сонирхолтой ПРОГРАММ ХАНГАМЖ-ийн инженерүүдийг ажилд урьж байна/.